Ura mahai gainean barreiatu edo amets baten oroitzapena totelkatu. Goizaldeko ordu txikiak arte negoziatzea desioaren, erantzukizunaren eta betebeharraren artean. Txangoa egitera joan eta beti biratu beste zarata bat dagoela dirudien tokirantz. Ez ahaztu siberiar tundraraino oinez irits litekeela. Zuhaitzak ilbeheran inausi behar dira, ahal dela.
AZALA-k euskarazko azalera ere esan nahi du, lurralde baten hedadurari erreferentzia egiten diona. Larrua hartu eta luzatu, horrela egiten dira danbolinak.
Atal honetan barreiatutako proiektuak, jarduerak, esperientziak biltzen dira. Hau da, azalerak, hedadurak, adarrak, orbitak, hilarriak, deribak…, posibilitatearen elastikotasunarekin zerikusia duen bidearen konfigurazio ia guztia.
