Azalatik Garaionera ibiltzeak gauza asko esan nahi du gerundiorako, bide-ertz eta desiraren bide-zidorretarako orientazioa dutenentzat. Hamasei urte betetzen dituzten bi izaki, hatsak egokituz, eskumuturrak kulunkatuz, zangoa ibaian behera estutuz, mauka ibaian gora mugituz, beren umoreak partekatuz, urtegiraino gainezka eginez, zulatuak, prinkatuak, nekatuak, ereindakoak, ahal bezala ereinez, dakizuen bezala, jakinez denentzako ogia dagoela eta mamiz mami ez dagoela itzultzeko biderik.
Martxaundin Zadorrako puntu batetik bestera ibiliko gara, isurialde batetik bestera, dorre batetik bestera. 44 kilometro bi egun eta hiru gauez. Asko dirudi, baina Araba ederra da eta udaberri honetan euri dezente egin du. Beraz, gauero esango diogu agur, kanpoan lo eginez. Kartelean jardueren egitaraua dago. Izarrak eta erreginak izango ditugu lagun. Literala da, ez dago balio duen metaforarik, Itziar Rekalde, Adrian Bodi eta Dj Makeda dira.
Solstizioa dantzan ospatu ondoren, ekainaren 21eko goizean, Lera Lera, anhelo o trineo programarentzat diseinatutako proiektuen lehen zirriborroa aurkeztuko dugu Garaionen, Iara Solano eta Garbiñe Ortegaren eskutik.
Eskerrak eman nahi dizkiegu Mariari eta Juani erakutsitako adeitasuna eta eskuzabaltasunagatik (Arabak altxorrak ditu)
