Egoitzak
Azalak egoitza ematen die kreazio lanerako edota ikerketarako gogo bilketa espazioa eta denbora behar duten artista, sortzaile, pentsalari eta aktibistei.
Honako hauek dira egoitza-proiektuak hartzeko baldintzetako batzuk: konplizitateak eta jarraitutasun-ildoak ezartzea, proiektu bakoitzaren ezaugarrien arabera definitzea egonaldiaren denbora eta aldizkakotasuna, aldi berean egoitzak gurutzatzea, artista egoiliarren eta tokiko eszenako beste pertsona batzuen arteko elkarrizketa bat irekitzea eta kreazio eta ikerketa prozesuak kanpoko begirada kritikoarekin partekatzea, Ate irekiak deitzen ditugun saio hoietan.
Egoitzetarako eskaintzak ugaritzen ari diren une honetan, garrantzitsua iruditzen zaigu Azalara lanera etorri nahi dutenek leku honen berezitasunak eta sortzen duen isolamendu-mota kontuan hartzea (ez dago tabernarik, ez dendarik, okina eta postaria apenas etortzen dira bisitan…), egoitza bat eskatzerakoan kontuan hartu beharreko baldintza gisa.
