Jaio, hazi, eta joan-etorrian ibili ondoren, Paula Ramis eta Magalí Camps berriz elkartu dira estudioan, eta, orain, eraldatu egingo dira. “Mendiak itsasoetan” (Behin-behineko titulua) Paula eta Magalíren sormen-egoitza berria da, dantza barruan zein kanpoan gertatutako hogei urteko iraupeneko adiskidetasun-harremana inspirazio hartuta. Egonaldiak lehenbiziko lankidetza hura ospatuko du, eta omenaldia egingo diote kantuari, dantzari, gozamenari eta bizipozari, elkarrekin egoteak duen esanahia aitortuz eta horrek berekin dakarren intimitatea onartuz.
Hausnartu egingo dute elkarrekin egindako lanari buruz, lankidetzaren gauzatze bat den aldetik, landu eta zaindu egin duten ekosistema bat den aldetik, eta aldaketarako balio dielako.
Magalí Camps. Dantzaria eta performer artista. Gazte hasi zen dantzaren munduan, eta, ordutik, ikasten jarraitu du dantzaren eta koreografiaren alorretan, The Danish National School of Performing Arts (Kopenhage, DK) eskolan, han graduatu zen 2022an. Apprentice eta guest dancer izan da Cullberg Ballet konpainian, Stockholmen. Han lan egin zuen honako koreografo hauekin: Alma Söderberg, Halla Ólafsdóttir, Jefta van Dinther, Hooman Sharifi eta Jeanine Durning, bakoitzari dagokion esparruan. Aldi berean, Doris Uhlich koreografoarekin eta Francesco Scavetta koreografoarekin aritu da, lankidetza xede harturik. Kopenhage eta Celrà artean joan-etorriak eginez ibili da. Kataluniako iparraldean dagoen udalerria da Celrà, bere jaioterria, han ikasi zuen Udal Dantza Eskolan, baita Mal Pelo dantza-konpainian ere, dantzaren alorrean egin duen ikerketa-lanen hizkuntza, idazkera eta ahotsa aztertu ditu, eta haiek duten lotura intimitatearekin, baita performancearekin ere. Bere helburua sinbolikotasunaren eta sentsorialtasunaren arteko talka aurkitzea da, eta musikaren eta mintzamenaren artean dagoen marra fina lantzen du. Orain, Itzulpengintza eta interpretazioa ikasten ari da, besteak beste, eta 2020tik sormen-proiektuak eta sormen-prozesuak antolatzen ditu La Verema kolektiboarekin. Hain zuzen, talde horrekin antolatu du L’ARREPLEGADA egitasmoa.
Paula Ramis. Dantzaria eta sortzailea. Celrà udalerrian hazi zen, dantza, musika eta pintura maite zituen familia giroan. Bere jaioterrian ikasketak egin zituen hamazazpi urtez, Celràko Udal Dantza Eskolan eta bertako Konpainia Gaztean zein Mal Pelo konpainiako sormen-tailer eta prozesuetan, eta ondoren, ikasketak osatuko ditu Bartzelonako AREA dantza eta sormen espazioan eta gero prestakuntza jasotzen jarraitu du La Faktoria-n (Iruñea). Gaur egun, Dantza Garaikideko gradua ikasten ari da La Manufacture – Haute School of Performing Arts Scène (Lausana, Suitza) eskolan, eta Arteko gradua UOC Kataluniako Unibertsitate Irekian. Mugimendua, musika eta arte grafiko-plastikoenganako interes berezia du, haien inguruan oinarritzen da bere ikerketa artistikoa, topaketa poetiko, politiko eta sentsoriala sortzeko helburuarekin, baita arte-diziplina horiek eta beste diziplina batzuk uztartzen diren lekuetan ere. 2020an, La Verema talde artistikoa sortu zuen, Celrà-ko eta inguruko beste lankide batzuekin batera. Talde horrekin, sormen-prozesuak hasi zituzten, eta, aldi berean, L’ARREPLEGADA egitasmoa antolatu zuten. 2022an AURÓ kolektiboa sortu zuen, Annaïk Juan-Torres-ekin batera, eta duo bat sortzeko prozesu bat hasi zuen harekin, 2023an.
