Etorkizun hurbil batean, birtualak errealari eremua jaten jarraitu du. Energiaren krisiak, gaixotasun berriekiko beldurrak eta teknologiaren aurrerapenak posible egin du ia edozer gauza etxetik atera gabe egitea: ikastea, turismoa egitea, lagunekin hitz egitea, sexua praktikatzea…
Etorkizun hurbil honetan kokatu nahi dut nire nobela berria, zeinetan, errealitate birtualeko diseinatzaile batek Parisera jotzen duen (benetako Parisera) bertatik pasatako pertsonaia bat birtualki birsortzera: Mary Wollstonecraft, feminismoaren aitzindaria, Mary Shelleyren ama eta Frantziako Iraultza bertatik bertara bizi izan zuena.
Ez dago alde argirik errealitatea eta birtualitatearen artean. Teorikoek birtualitatearen kontinuoaren ideia erabiltzen dute erabateko errealitatea eta erabateko birtualitatearen arteko joan-etorri inestablea azaltzeko. Batzuek honi Errealitate Nahastua esaten diote, eta uste dut izenburu ona izan daitekela nobelarako.
