Praktika eszeniko eta kultura bisualean masterra 2023

Idoia Zabaletak gidatutako laborategia
maiatzaren 22tik ekainaren 2ra
Tailerrak - Mikorrizak

Mikorrizak: onddo eta sustraien arteko erlazio sinbiotikoaren izena erabiltzen duen programa honen bidez, AZALAk beste egitura lagun batzuk hartzen ditu beraien programen zati bat gure espazioan gara dezaten.

P.E.K.B.M.a Artea–ren programa bat da

Urtero bezala, Masterreko kideek ikerkuntzaren eta sorkuntzaren alorretako proiektuak lantzen dituzte, bai bakarka bai taldeka. Prozesu praktikoak izan ohi dira, baina jarrera kritikoa pizten eta indartzen lagunduko digutenak, gure praktikak beste batzuenarekin kontrastatzeko. Ikastaroan zehar lantzen dira prozesu horiek eta gero ere jarraipena izaten dute maiz. Proiektu bakoitzaren eta seminarioetan nahiz laborategietan landutako edukien arteko harreman-maila partaide bakoitzaren interesen araberakoa da, dena den beti uzten ditu oihartzunak eta loturak.

AZALAk Master honi eskaintzen diona da hiriaren eguneroko erritmotik ateratzea. Ikerkuntza-prozesu batean sakontzeko tarte egokia izan ez ezik, beste modu batera elkar-bizitzeko aukera ere ba da, tarte bat elkarrizketarako eta elkarren ondoan izateko.

Master honetan parte hartuko dutenen egonaldiarekin batera, lan sesio batzuk antolatuko dira AZALAn. Bertan, Idoia Zabaleta koreografoak laborategi bat proposatuko du, aldi baterako hezkuntza-komunitate baten testuinguruan praktika ulertzeko moduetan sakontzen jarraitu ahal izateko.