Publikoaren begiradek zeharkatzen duten performerraren gorputzaren eta desiraren erasoek eta horrek eragindako higadurak zeharkatzen duten debot maiteminduaren gorputzaren arteko harremana lantzen ari naiz. Eta nola eraiki kontakizun bat, maitasun-performancearen eta higadura-kontsumoaren arteko erantzukizuna irudikatzen irakatsiko didana.
Alberto Cortés (Malaga, 1983). Eszenako zuzendaria, antzerkigilea eta performerra da. Malagako ESADen Eszena eta dramaturgia zuzendaritza eta Artearen historia UMAn lizentziatu zen. 2009an hasi zuen bere bide eszenikoa, denboraren poderioz soldatapetzen joan den dramaturgia bastarda eta periferiko batetik. Orduz geroztik, bere bidea inspiratu duten hainbat sortzailerekin talka egin du, eta formatu eta diziplina desberdinetako piezak sortu ditu, ukiezinean eta gizatasunean itxaropena izaten jarraitzeko ahaleginean. Bere lana antzerkiko, dantzako, performanceko eta folkloreko, flamenkoko edo site-specifics-eko piezen bidez garatu da urteetan zehar; beste sortzaile batzuen prozesuei laguntzen die zuzendaritzatik eta dramaturgiatik, eta tailerrak ematen ditu topaketa gisa, zeharkatzen dituen ikerketak partekatzeko. Azkenaldian, bere bidea eszenatokia desioaren espazio gisa ulertzeko ideian eta ikuslearekiko harreman erromantikoan gelditu da. 2022an “Los montes son tuyos” argitaratu zuen Contintametienes argitaletxearekin, bere azken bi piezen testuak bilduz: “El Ardor” eta “One night at the golden bar”. Bere piezak hainbat espazio eta jaialdi nazionalekin lotuta egon dira eta daude oraindik ere (Teatros del Canal, Mercat de les Flors, Fesival de Otoño, Dansa Valencia, BAD, Sâlmon, TNT, Teatro Central edo FIT, besteak beste). Gaur egun, sortzaile, performer, zuzendari, antzerkigile, laguntzaile, irakasle, seme, anaia, osaba, maitale, lagun izanik bizi da.
